日本零食唔一定好食

相信好多人都鍾意食零食 ，特別係日本食品公司出既零食~~~但係小弟今次真係要介紹一下相入面呢包野!!
先講一講成件事既起因 ，話說小弟响四月初出發到東京 ，因為房東攪錯左房間號碼而攪到我同另一個到東京玩既台灣家庭引起不便，所以有一日房東送左一袋零食俾我賠罪 。
入面有朱古力 ，糖呢類大路野，當我發現到呢一包牛奶妹既時候 ，我就whatsapp俾我女朋友話有包咁既野 ，女朋友就話不如帶返香港俾佢 ，於是我就借花敬佛返到香港就俾我女朋友，但幾日之後.......
忽然女朋友同我講
女：喂～～～包牛奶妹好難食 ，陣味好怪 ，食落口好似食泥膠咁
禪：吓？講笑ja??應該幾好食wor~~如果覺得難食就掉左去啦

點知尋晚5月1日同佢食完晚飯送緊佢返屋企既時候 ...
女：我帶左個包牛奶妹俾你試
禪：好呀 ，等我試試係咪咁難食

食左一粒 ，嘩屌～個種感覺真係唔知點形容 ，首先粒糖一咬落去....真係好似咬緊泥膠一樣(唔好問係咪真係食過泥膠 ，但相信口感不遠....) 跟住個味道咸咸地....點解糖會係咸既??
再望一望後面睇下係咪過左期，但又未過期.....期間女朋友不停問好唔好味...我就完全俾唔到反應...最後吐左出來....跟住一野揸爛成包野要落車即掉。

我真係未試過食糖會食到會成包糖揸爛佢來發洩！！！！！
如果想試下挑機既記得認住個包裝 。挑完機可以同我交流下感受！

By Kaizm