小眾拉麵選擇其之一 俺流らーめん塩
响香港人眼中～日本拉麵最出名既相信係一蘭，一風堂或者無敵家。
呢三間拉麵小弟初期去日本都會去食，但去多幾次，就會覺得都係普普通通。
於是每次去東京都會尋找一下香港無又而幾好食既拉麵。
呢一間位於原宿既拉麵店，係我其裡一間每個月出發到東京都會去既食店之一。
佢既位置係响表參道十字路口向青山方向既右邊馬路，再响Ice Monster同Brooks cafe 之間既巷仔行入去兩個路口轉左，再行前少少既右手邊就到。
响門口會有售票機 ，購票後會有店員查問人數 ，然後會請你坐响門口等候入坐。
同時間店員會根據你購買既食品而問你選擇邊一種湯 ，面既軟硬 。
只要响門口細心等待 ，稍後店員會引領你入座 。
入座後一陣 ，店員會提供一條毛巾俾你清潔一下隻手 ，只要等一陣食物就會到～
雞湯 豬骨湯
拉面既湯分為雞湯及豬骨湯 ，兩款湯都會有一條檸檬絲响上面 ，曾經同朋友講笑話呢間係檸檬湯拉面。
原宿分店內觀
俺流拉面加炸雞定食 ，仲有個靚仔(白飯)。
相入面既係雞湯拉面味道清清地唔錯 ，响間間都食豬骨湯既時候呢個面真係一股清泉~~~
炸雞即叫即炸 ，十分美味。
俺流拉面加餃子定食 ，又係有個靚仔(白飯)。
個餃子幾好食 ，但個人覺得炸雞比較好。
俺流らーめん塩
website：http://oreryushio.co.jp/index.html
神宮前分店地址
住所：東京都渋谷区神宮前6-9-14 美鈴ビル 1F
TEL：03-3486-0255
定休日：なし
営業時間：11:00〜24:00
喫煙：テラス席のみ喫煙可
By Kaizm
沒有留言:
張貼留言