銀器之皇 Goro’s

Goro’s , 相信响好多人心目中都係銀器之王 ，當然包括小弟 。
讀緊中六中七既時候 ，成日睇到日本潮流雜誌入面成日有人戴住銀羽毛既？
之後再响當年位於兆萬既水貨鋪少年堂入面見到真身.....嘩～巧令呀！
好啦～都係先簡單介紹下呢個咁傳奇既品牌先
高橋吾郎(Goro Takahashi)，日本人，生於1939年6月29日東京市
當時正值二次大戰時期，吾郎為家中六兄弟入面排行第五。
年青既時候吾郎獨自前往美國印第安部落學習當地製作銀飾時工藝。最終更獲得當地部落猶長賜予Yellow Eagle既稱號。
而吾郎响美國遊歷時～看到了一根老鷹羽毛～該羽毛擁有者看到他手上的介指很精緻，提出了用介指交換羽毛一事～而該介指就係吾郎的作品。
如果有見過吾郎既相片，都可見到有一個插滿老鷹羽毛既印頭安頭飾～上面既老鷹羽毛就係吾郎本人以物換物交換返來。
返到日本之後，吾郎開始左作既銀器製作生涯。70年代於現在每日都大排長龍既本店位置開業！直到現在，每日都有過百人於店外排隊朝聖。
响日本及海外都有無數粉絲～而且有大量藝能界人事著用～
日本代表相信一定係騰原浩同木村拓
其他人如江口洋介，V6三宅健，金子賢，村上淳等等，每一位都有一定地位。
海外方面，Eric Clapton ，John Mayer 都係佢既忠實Fans~
設計方面～吾郎所選用既材料包括銀，金，松石同皮革。而當中金同銀，其實最能代表吾郎本身既設計理念：陰陽
响佢既作器入面，銀代表陰，金代表陽。所以銀飾入面往往會見到金銀配搭。
眾多款式當中～以羽毛為最搶手既款式。
當中分為四個尺寸，分別為S/M/L/XL。

每個尺寸入面亦有多種款式。
當中以XL先金，最能表達吾郎銀飾最極致既技術演繹～而且最搶手，什至今時今日已經唔會再展示於毛櫃入面供客戶購買，只有跟店員極友好既人士先可以入手。
印地安人認為老鷹是世界上飛得最高的動物，也相信牠們是唯一能夠與天接觸的生物，因此都被印地安人奉為聖物，品牌經常使用老鷹設計而成為經典。
其他款式如八本雕，鷹匙，幼鷹亦十分精美。
高橋吾郎於2013年11月25日安詳的於家中過世，享年74歲。
而每日排本店既人數並沒有因為佢既離去而減少 ，相反日漸增多 。
2015年夏休抽簽人數更高達2000組(小弟當時在現場） ，用來抽簽用既App ，設定總抽簽總數為2000!!!
到目前為止每日抽簽人數基本上都有大約200組 。
有興趣既朋友可以去挑機
圖片為私物
不得轉貼

By Kaizm